Search Here:-

(Guba ku xasuuso) waa tix gabay ah oo aan ugu jawaabayo Abwaan Xasan Guray oo tix uu leeyahay oo la yidhaahdo(Giblan), isaga oo ku halqabsanaya tix kale uu leeyahay nin la yidhaahdo Saleebaan midhiq oo la yidhaahdo(Gacan-maroodi).

Written by: admin
Published: October 4, 2016     

1. Xasan gurayaw giblan iyo tixdaad gole-ka fuulaysay

2. Tixdaad gelbisee dhamaan uunka wada gaadhay

3. Tixdaad gamaanka fardaha gobolada ku jeedhay

4. Gacan-maroodi halqabsiga tixday gocatay laabtaadu

5. Waayaha is guray geyiga carbeed iyo keena kala guurka

6. Gedgedoonka waqtiga gelin hore galab iyo fiidba

7. Godob qabaha, gaalada cadhaysan iyo gaade is daba-meerka

8. Golofkiyo colaadaha laga shiday gebi islaamkoo dhan

9. Dar lagu goblamay geesiyada la dilay iyo kuwa la gaadaayo

10. Gumaro la kufrsaday gacmaha ubad laga jaray iyo duqay la gumaaday

11. Gantaalaha lala dhacay guryaha iyo gebi masaajiida

12. Taariikh guun ah geediga lumay guclo dibu-roorka

13. Dhaqanka galbaday diinta laga guuray garsoorka habaabay

14. Talo guracan gefka uumiyaha laga galay waa guul-dariyo ciile

15. Guulana waa yaqaan ruuxa gaysta goorta uu qabane

16. Afartaa ma gaydhadoo garnaqsi go’a ma dooyaystay

17. Gole laysu dhanyahay guurtidu fadhido gaw ma kaga siiyay

18. Gocashana xanuun lehe waxay gubaya hadaan gacalaw kuu sheego

19. Iga gunid garawshana i maqal gaarna ugu fiirso

20. Oo gabayguna waa murtiye, guba ku xasuuso

21. Inkastaad tix gudgude ah iyo gaydho soo kicisay

22. Oo geyiga soomaali dhamaaan gebi ahaan jiidhay

23. Oo goobo magacyadood iyo geedo badan sheegtay

24. Oo qabaa’iilka guud ee gudban guniyo baar eegtay

26. Oo Bariga iyo Galbeed goob walbaba istaagtay

27. Oo geeleena gebi iyo guunyada amaantay

28. Oo gadcasta, guurtida, geesiga iyo geel-jiraba sheegtay

29. Inkastaad giniga jaad lagu cuno gaar uga xanaaqday

30. Waa geed baas qadhmuun iyo gawracato jaane

31. Inkastaad garwaaqsatay dhirtuu guule inaga mamnuucay

32. Oo ay gedaa tahoo garaadkuna diidaynin

33. Dhalinteena galbatay ee tahriibta ku gu’doomay

34. Dubku hadii uu ku gariiray hablaa goodku ku casheeyay

35. Garbaduubka dar loo haystaa, haday gubayaan uurkaaga

36. Jaadkiiska qaarbaa guryo ugu xidhan oo gawda ku hayaaane

37. Oo ay garacyo u dhaleen iyo gabano shaydaaane

38. Waxa guhaadshee ubadka geeyay gabaahirta

39. Geyigoodii waxaa u diidee hanka geedka kaga laalay

40. Goobyaalka waxa ugu wacan guura bahalaynta

41. Gabaygaagu muu sheegin gefafkii dhacaye

38. Godobta insaan laga galay waa gunimo wayne

39. Gu barwaaqo ah geeloo inoo dhalay, gaanuhuna foofin

40. Oo dhibida baarqab golongolay guduud isugu yeelay

42. Oo haleelada guryaha tubani gununuc reemayso

40. Oo hadhuub gaalka caanuhu gingimanyihiin labada gooroodba

42. Oo la guursaday hablaha gaasiriyo luulba

43. Oo ay gogol nabada wada fadhiyaan Gacal walaaloobay

42. Ictiraafkina gedaanka saaranyahay, galabtii loo dhiibay

43. Kala geeye waa tuu qabsaday ee gudhiyay maandeeqe

44. Guricaska waatuu ina furay dulinku gawdiido

45. Hadii galad ay kuu tahay adiga geestaada

45. Abidkii guul ma dhalin, gebi ahaantiiye

46. Ma gudboona gocorka iyo geesiyada qaare

47. Gabayooxa gawre dhaxantuu ina badaybaa weli goohaaye

44. Godobtuu abuuraa weli gawda laysku hayaaye

45. Sahankuu gadhqaadaa, waa guul-dariyo
hooge

46. Midaan gaabinayn bay rabtaa oo geedi dheer rara’e

47. Axmedna garaad ma leh oo teena muu garane

48. Gurguurtaba ka daran ee geesi ha ku sheegin

49. Gabaygaana dib ugu noqo tixdaan giblan ku tilmaantay

Muhumed Abdi Jama(Ilkacasse)

Wararkii ugu dambeeyey
hqdefault
Warbixin: Abaaraha Gobolka Badhan Iyo Bariga Sanaag https://youtu.be/1hYcK8s04fQ
xuseen-belel
Habkee Loo Raacayaa xil ka Qaadista Hogaanka Xisbiyadda                       
Warar
Waraysiyo khaas ah
Maxamed
SOMALILAND’S HOUSE OF ELDERS IS DETRIMENTAL TO DEMOCRACY By:Mohammed Dahir Ahmed Democracy d
H.E President Ahmed Mohamed Mahmoud Silanyo and entourage today flew out of the country headed to th
Waraysiyo
dhinaca-bidix
Opinion
Taariikh
English News
Tafsiirka Quraanka
Special Interviews
Suugaan
Maxamed-Kayse Kasmo iyo Kaskaaga Q4aad    September 17, 2016
Diintu Waa nasteexo
HAlkan Dhig 160x60